Villar de los Mundos, viaxar sen saír dos Barrios

Lombillo, Salas e Villar de los Barrios son tres vilas de montaña que se atopan ao carón de Ponferrada.

Foron declaradas Ben de Interese Cultural no ano pasado, pois conservan moi ben a arquitectura e o xeito de vida tradicional do Bierzo.

Estas vilas organizan unha cita anual de artistas do mundo en agosto, é o Festival Villar de los Mundos.

Na primeira edición os veciños destas vilas puideron desfrutar de jazz vido de Chile, cinema internacional e obradoiros de gastronomía africana. As adegas dos pazos destas vilas foron os espazos onde se realizaron as actividades.

Para a segunda edición aproveitaranse as igrexas románicas dos arredores como salas para os concertos. Deste xeito, na Igrexa de San Martiño en Lombillos terá lugar o día 29 de agosto un concerto de música barroca no que o quinteto berciano Rococó Ensemble interpretará as partituras de Bach ou Vivaldi .

O día seguinte o arxentino Darío Benítez (coñecido polo concurso de televisión La Voz, ofrecerá un concerto de góspel, soul e balada pop, na igrexa de Santa Columba (Villar).

O derradeiro día do festival, o cantautor maragato El Solito Trovador, ofrecerá coa súa concertina unha  viaxe musical pola música francesa, xamaicana e do continente africano.  O concerto celebrarase nunha das impresionantes adegas dun dos pazos de Villar de Los Barrios.

Anuncios

O Jazz chega a Ponferrada

A Asociación Cultural Vida en colaboración co concello de Ponferrada organiza o festival de Jazz  de Ponferrada, que xa  vai pola segunda edición. Celébrase cara ao final de ano, cando teñen lugar dous días de concertos no Centro Cultural Río Selmo.

Nesta pasada edición actuaron Jerry González Trío, unha  banda dirixida polo trompetista e congueiro neoiorquino,
que está  considerado como unha das figuras chave do jazz latino.
O segundo día tocou Bobby Martínez Quartet, unha banda liderada polo músico nacido en Filadelfia (EEUU), Bobby Martínez.

Na edicion deste ano a atención centrouse no jazz latino con influencias portoriqueñas e cubanas. Porén no primeiro festival tamén actuaron músicos galegos como Marcos Pin e Xacobe Martinez Antelo.

Aira da pedra, un grupo que malla dende 1997

Aira da Pedra, é un grupo de rapaces que comezaron no mundo do folk no ano 97. A sua musica e unha fusion da musica berciana e o folk irlandes.

Neste espazo de tempo levan editados tres discos: Aira da pedra, Arantigua e Be Zeta. A súa música soou nos festivais de Lorient (Bretaña) e Ortigueira (Galiza).

Este grupo debe o seu nome a unha aldea preto de Vilafranca do Bierzo, onde existía unha eira colectiva para mallar o trigo.   Os componetes do grupo din que se senten máis cómodos nos directos aínda que botan en falta locais para tocar na comarca.

Mala Komunikación desde Magaz de Abajo

Este grupo de punk rock, naceu no ano 2006 despois de xuntarse xente de Magaz e Camponara.

Debutaron de alí a pouco na Escola de Música de Cacabelos.  Ao longo da súa carreira musical tocaron en festivais como o Mencía Rock en Cacabelos, o Festival de San Xoán en Asturias, o Vilarock, o Porto Rock, etc…

Levan editados dous discos: Sin miedo a volar, en 2011 e
Delirios de un melómano, publicado neste .

Rapabestas, sons folk dende Toral de Merayo

O grupo Rapabestas comeza o seu camiño musical no ano 1999. A banda, composta por 6 mozos de Toral de Merayo, colle o seu nome dunha festa popular relacionada coa cría de gando nos montes galegos.

A súa primeira actuación importante foi  no Festival Internacional do Mundo Celta de Ortigueira (Galicia). O seu estilo  folk levounos a facer algunha colaboracións con Kepa Junkera. Este concerto gravouse para editar o DVD en directo “Rapabestas en Concierto”.

  

O seu terceiro disco “Format R:” caracterízase pola fusión de estilos e inclúe unha versión do himno da S.D.Ponferradina. A canción deste CD “Meigas de Agadán” foi escolida como tema do Mundial de Ciclismo de 2014.

 

A seguir deixamos un video da canción en galego Soños de Contrabando, composta en colaboración co cantautor Ainda